सर्लाहीको गोडैता नगरपालिका वडा नं. ०२, पिपरनाथ स्थित सार्वजनिक प्राथमिक विद्यालयको प्रांगणमा एकदिवसीय निःशुल्क मेगा स्वास्थ्य, औषधि तथा कपडा वितरण शिविर सफलतापूर्वक सम्पन्न भएको छ । २०८२ साल मङ्सिर २७ गते शनिबारका दिन उक्त शिविर सम्पन्न भएको हो । लायन्स क्लब ३२५ इ डिस्ट्रिक, जोन १६, लायन्स क्लब अफ काठमाडौं बिष्णुमती, इनोभेसन, गौरिशंकर, हेल्पिङ ह्यान्ड्स तथा हेल्थ केयरको संयुक्त आयोजनामा सम्पन्न शिविरबाट एक हजार भन्दा बढी स्थानीय नागरिकहरू लाभान्वित भएका थिए ।
शिविरमा प्रदान मुटु परीक्षण (भ्ऋन्), रक्तचाप तथा रक्त सुगर÷मधुमेह परीक्षण, फोक्सो कार्य परीक्षण (एँत्), जनरल फिजिसियन परामर्श, आँखा परीक्षण, बालरोग विशेषज्ञ सेवा, दन्त परीक्षण गरिएको थियो । निःशुल्क औषधि वितरण पनि गरिएको थियो । त्यसैगरी ३०० जना सरकारी विद्यालयका बालबालिकाहरूलाई न्यानो कपडा वितरण गरी सामाजिक सहयोग प्रदान गरिएको थियो ।
शिविरमा लायन्स क्लब अफ काठमाडौं रक्तदाता समूह, रञ्जना सिस्टर्स, सेवा अभियान, मानवीय सेवा अभियान, क्याम्पेन, सिद्धार्थ एभरग्रीन तथा टुगेदर वी क्यानको सहभागिता रहेको थियो । कार्यक्रम सफल बनाउन जोन १६, जोन अध्यक्ष डा. रोमन बोगटी, इञ्जिनियर गणेश बहादुर सुनाम तथा शिविर संयोजक सरोज कुशवाहा, ओखती पोली क्लीनिक कलंकी, मधेश प्रदेश स्वास्थ्य सचिब डा. ओम अर्याल र मलंगवा अस्पतालबाट उपलब्ध चिकित्सकले सेवा दिएको थियो । यस प्रकारका निःशुल्क स्वास्थ्य शिविरहरूले ग्रामीण तथा विपन्न समुदायको स्वास्थ्य पहुँचमा महत्वपूर्ण योगदान पुर्याउने विश्वास व्यक्त गरिएको छ ।